Riata Nel
SASOLBURG. – ‘n Bejaarde vrou van Sasolburg is verlede week helder oordag in ‘n parkeerarea in Sasolburg gekaap, gedreig en van R15 000 beroof. “Die vrou het inkopies gedoen by die Grootfonteinsentrum in Sasolburg en het in die motor geklim toe twee mans by haar in die motor klim. Hulle het vir sowat twee ure met haar in Sasolburg rondgery,” sê ‘n betroubare bron. Die motor is later by die parkeerterrein agter die Penney Heynsswembad parkeer, waarna die twee mans saam met haar na Absa-bank gestap het.

Drie polisiebeamptes is verlee week ernstig beseer toe hul voertuig op die R549 naby die Vaaldam omgeslaan het. Hulle was vermoedelik in die rigting van Deneysville onderweg. Paramedici van ER24 en ander nooddienspersoneel het met hul aankoms op die toneel vasgestel dat die wrak teen 'n skuinste afgerol het.

Jacques Steenkamp
VANDERBIJLPARK. – ‘n Plaaslike motorfietsryer wat Saterdag 24 Julie omstreeks 08:30 ernstig beseer is in ‘n ongeluk buite Deneysville, het aan sy beserings beswyk.

Jacques Steenkamp
VEREENIGING. – ‘n Jong man se linkerhand is Donderdag omstreeks 13:00 deur ‘n onbekende aanvaller met vermoedelik ‘n panga afgekap nadat daar glo ‘n rusie tussen die twee ontstaan het. Me. Vanessa Jackson, ‘n ER24-woordvoerder, sê dat paramedici na die Sharpeville-polisiestasie ontbied is, waar die beseerde man op hulle gewag het.

Jacques Steenkamp
VAALPARK. – ‘n Kop teen kop-botsing tussen twee voertuie waarin albei motoriste ernstig beseer is, het Sondag omstreeks 14:00 veroorsaak dat die R59-snelweg vir meer as twee ure gesluit is. Volgens mnr. Chris Botha, ‘n Netcare 911-woordvoerder, was die een motoris - ‘n vrou - steeds in die wrak van haar BMW vasgekeer en het die ander voertuig in die veld in gerol.
“Lede van die brandweer moes die vrou met behulp van meganiese kake uit die wrak bevry terwyl paramedici haar op asemhalingstoerusting geplaas het,” sê Botha.