Wil jy jou mening gee oor 'n berig in vandag se koerant of oor enige ander saak wat jou na aan die hart lê? SMS jou mening na 41913 en vertel ons hoe jy voel. SMS'e kos R1-50. Menings word sover as moontlik onveranderd gepubliseer mits dit nie lasterlik is of uitermate kru taal bevat nie. Jy kan jou naam, jou voorletters of 'n skuilnaam byvoeg.

* Ek werk by 'n kleuterskool en enigiets wat jy met die baas bespreek, persoonlik of nie, word uitgeblaker vir almal, sy kan net mooi niks vir haar self hou nie. Wonder maar net hoe kan sy 'n baas wees - almal skinder al van haar maar niemand wil met haar daaroor praat nie want dan verskree sy almal. Wonder maar net baas, hoekom jy dit doen. Anoniem.

* Moeg gekla oor straatligte in Armstrongstraat, CW 3, wat nie werk nie en 'n groot risiko vir studente is wat daar loop, kan iemand ons help met die probleem? Moeg vir donker.

* Ek lug my mening na aanleiding van 'n sms in Vaalweekblad van 18-20 Aug. Oor motorfietse. Ja daar is mense wat roekeloos op motorfietse ry, maar met motors ook. En om 'n motorfietslisensie te kry is al moeiliker as kar. My kind het 'n motorfiets en het haar lisensie eers die 3de keer gekry, so streng is dit. Maar motorbestuurders moet eerder meer respek toon teenoor motorfietsryers want motorbestuurders redeneer motorfietsryers het geen reg op ons paaie nie. Motorfietsryers is nie altyd skuldig. Sonja.

* Daniel, jy's reg. (Vaalweekblad 18 Aug). HTS wen die geveg. Waar kom Bakkies Botha vandaan? Hoekom is hy geskors? Vuil spel! Nou wat nou? Anti HTS.

* Stella, stel 'n biker voor, ek ry al jare 'n bike en as jy op 'n agterwiel van 'n bike ry, dan kan jy. Daniel-Son.

* Roy Camblestraat Sasolburg het uiters dringend aandag nodig. Slaggate is die hele straat vol. Kinders gaan raakgery word soos voertuie uitswaai. Red ons! SVG.

* Na aanleiding van klagtes oor AWB: Niemand dwing jou om by die AWB aan te sluit nie. Ons soek nie mense soos julle nie. Rina

* Wil net vir Jay sê: ons mag maar veras word. Niks daarmee verkeerd nie. GOD kom haal ons wanneer ons ons laaste asem uitblaas. Anoniem.

* Geen slaghuis in Sasolburg verkoop ordentlike boerewors nie. Als is vol senings en bene. Sif asb. jul kruie, ek is moeg doppe uitgespoeg! Ekke.

* Ek sien in my gedagtes hoe moes die wag die dood sien. Wouter.

* Ek sien die man wat by die robot bedel, sˆ nou op sy plakkaat dat sy siek kind toe onder operasie gesterf het. (Iemand het onlangs ge-SMS hy het nie 'n kind nie). Ek ry byna daagliks daardie pad! Wie weet wat aangaan? Tannie.

* Hendrik, as jy niks beters het om te doen nie, los asb wit paartjies uit wat swart kindertjies aanneem. Dankie. Vaalweekblad- leser.

* Wil net graag weet, is daar nie 'n moonlikheid dat daar opgetree kan word teen mense wat hul huis uitverhuur aan studente deur 'n middelman as 'n besigheid probleme skep vir die inwoners van die area nie? Dit maak 'n plek oorbewoon en onaangenaam vir die mense soos bv. in Landmanstr. Kan die DA nie optree teen die wettige eienaar van die huis nie? Vra maar net. Anoniem.

* Klubrugby: Hoekom al die klubs in die Vaal se spelers nooi as die afrigters klaar besluit het dat die hele Vereeniging se eerste span, let wel, wat nie eers vir Springs in die finaal kon wen nie, goed genoeg is om as die Valke Amateurspan deur te gaan? Voortrek is aan die orde van die dag by hierdie span. Ontevrede speler.

* My mening oor die voorheen openbare area oos van Riverside Hotel. Dit is die enigste stukkie grond langs die Vaa rivier wat oor is vir die publiek. Kom mense, kom ons staan saam. Vaalweekblad moet weer 'n berig oor die saak in die koerant plaas. Asb. Mark. 

* Ek gaan my huis in die mark sit agv die verdomde motorfietse wat tot in die vroeë oggendure op die hoofpaaie van Sasolburg resies jaag. Ja, biker, ek weet jy sê wat worry ek, daarom is dit my houding ook, en wil ek vir julle sê: Menere, ek hoop julle val julle g@tte af! Gatvol, Sasolburg.

* Dis bevestig deur 'n werknemer van die munisipaliteit, ons rekeninge word met 15% gelaai gedurende wintermaande om die armes se agterstallige diensgeld te dek. Jy kan doen wat jy wil, betaal sal jy betaal. Dis so onregverdig, jy kan niks daaraan doen nie. Ingedoen.

* Mense met hoë elektriese rekenings moet gaan uitvind of hulle meters nie vervang is nie. My huis se meter is vervang en toe word gesê daar is met die seëls gepeuter en ons is daarvan beskuldig dat ons krag steel en dit met 'n meterboks ver van die erf in 'n ander straat, en word toe sommer vir 800 eenhede vir 2 jaar aangeslaan. Stella. Steelpark.

* Die wit kaalkop man met die insleepvoertuig wat voertuie steel, word dopgehou. Jy is die oorsaak dat my lewe hel geword het. Jy het my brood en botter gesteel. Mag jy eendag dubbel soveel hel hˆ! Anoniem.

* Ek bly in Sasolburg. Ons paaie lyk terrible. Vroeër jare moes mens uitkyk vir ander motors om ongelukke te voorkom maar vandag moet jy uitkyk vir SLAGGATE. Geen wonder daar is so baie ongelukke nie! Doen iets asseblief. Stephanie. 

* Matriek-afskeid is nou net 'n geldmaakstorie. Die koste daaraan is astronomies. Die rok, hare, naels, gimering, juwele, skoene. Dan praat ons nie van die toegang nie, R300 en meer. En wat van tweelinge en drielinge, dan is foto's ook nog soms nie ingereken by party skole nie. Dis al erger as 'n troue. En die wat nie kan betaal nie, kan nie gaan nie. Ek sê as hul dit wil doen, hou dit by skole en maak dit bekostigbaar vir die wat dit nie kan bekostig nie. Ek is seker daar is ander ouers wat ook so voel. Sonja.

* Ek wil my mening lug oor die stakery wat op 19/08/2010 in Vereeniging voor die hof plaasgevind het van onderwysers en onderwyseresse. Dit wys my dat julle baie ondankbaar is oor wat julle kry. Dit is vir my tragies as ek sien hoe die mense staak. Eers was dit die munisipaliteit, toe die spoorwegwerkers, toe Eskom en nou die onderwysers en onderwysseresse. In my geval, is ek 'n motorwag wat moet aanvaar wat ek by 'n kliënt kry. Karwag.

* Ons as wit ouers voel dat Hendrik nie weet waarvan hy praat nie. (Vaalweekblad - 18 Augustus). Daardie kindertjies het dalk beter maniere as jy. Ons ontneem glad nie ons (swart) kind van sy kultuur of taal nie, as hy dit wil leer, sal ons hom nie keer nie maar sal hom ondersteun. Hy was 2 maande oud toe ons hom gekry het en hy word al amper 8. Ons sal ons kind vir niks verruil in die wêreld nie. Hy is alles vir ons. Ons vra niemand geld of kos om vir hom te sorg nie. Van Willie en Marietjie.

* Ja Brent Archer en Priscilla, ons by die AWB verkrag en moor nie oumense nie. Ons brand nie skole af en toi-toi oor alles nie. Ons aanbid God die Vader en sien om na ons eie veiligheid wat julle korrupte regering nie kan doen nie. Trots AWB.

* Ek stem saam met ouer van HTS, dit sal net great wees as hulle wel met hul harte speel en hulle vuiste by die huis los, en as dit wel is hoe die volgende geslag met geweld wil ingaan, Vader help ons. Rugby-liefhebber.

* Marietjie-slagoffer wil weet wie jy kan vertrou as jy geld moet terugbetaal aangesien ek elke twee jaar deur nuwe prokureurs gedagvaar word. Die eerste prokureur het stilletjies verdwyn, die tweede aan wie ek begin terugbetaal het, is gelikwideer en nou is daar weer 'n derde terwyl daar in verlede week se uitgawe gesê word dat mens versigtig moet wees en nie sommer moet betaal nie! Intussen klop die balju aan jou deur en dreig jou maar jy ontvang niks op skrif. Ook, die prokureur wat tans dagvaar, sê hy kan nie minder as R500 pm aanvaar nie! Waar gaan dit eindig? Anoniem.

* Ek wil graag ook net weet waar die munisipaliteit aan hul bedrae kom, want daar word nooit lesings gevat nie? Hul moet ook konsentreer op die slaggate in Barrageweg voor dit weer reën aangesien hul die tyd het! E.D.

* Krion-skema: ek wil net sê die meeste mense kry Marietjie jammer! Kry die mense jammer wat alles verloor het. Niemand was gedwing nie maar kom ons wees eerlik - 'n mens bou nie jou geluk op ander se ongeluk nie en dit is wat hul gedoen het. Sy moet vat wat na haar kant toe kom! Anoniem.

* Emfuleni Ward 5 by-election takes place on August 25 from 7am to 21pm at Laerskoof DF Malherbe, Hoërskool Driehoek, Post Duif Club and a tent will be erected next to the Riversun Hotel. Please vote right. Councilor Milu Malhou.

* Oom Hendrik, ek wil net vir oom sˆ ek is 'n swart seuntjie van agt jaar oud en my mamma en pappa is wit. Ek is baie lief vir hulle en wil nie 'n ander mamma en pappa hˆ nie. Hulle kyk mooi na my en sorg baie goed vir my. Baie dankie.

* Ai, dat mense so verkeerd kan wees. Die trok wat in die rivier geland het, het niks met perde te doen nie. Dis 'n 'perd' wat n trailor sleep, en daai is nie 'n side tipper trailor nie. Ek dink as mense wat ons operateurs so oordeel self die moeite doen om te probeer om 'n trok te bestuur, hulle gou hul mening sal verander. Dis nie maklik nie en as mense weet hoe hul ons lewens en hulle s'n ook in gevaar stel deur voor ons in te sny, sal hul dadelik op hou. Beertjie.
(Vaalweekblad vra inderdaad verskoning vir die fout. Ons verslaggewer was onbekend met die term "perd" en het sy bron dus misverstaan. Redakteur).

* Die skool maak nie saak nie - die dissipline doen wel. Rugby is definintief nie 'n geveg nie soos wat een ouer dit laasweek stel nie. ("...hulle wen nie altyd nie maar wen wel die geveg"). Wat probeer jy sê? Dit weerspieël jou houding. Miskien moet julle HTS Vereeniging se spelers liewer vir ballet stuur. Harde rugby is een ding, maar dissipline is iets wat jy in ballet sal leer en kan toepas. Ballet verg baie selfbeheersing en dissipline en is daarby baie stylvol - anders as skolerugby. Waarheen het die 5 hoekstene verdwyn? Of is dit net van toepassing tydens skooltyd? Net 'n gedagte.

* Ek het verskeie kere al gekla ivm 'n droë boom wat langs ons muur in die veld staan wat moet verwyder word voor hy op ons betonmuur val. Iemand het 'n ruk gelede vuur gemaak onder hom en verder vreet die miere ook nog aan hom. Inwoner, Pupinstraat 41.

* Wil net graag vir die raadslede op ons dorp se lamppale vra, kan jul asb. die straatligte in Strausstraat en Lassusstraat laat regmaak - dis al meer as 'n jaar stukkend. Leser.

* Hendrik hou op om klippe te gooi na wit paartjies wat swart kindertjies aanneem. Wie is jy om te oordeel? My vriendin het 'n swart seuntjie aangeneem en hy het diep in my hart ingekruip. Hy is pragtig en het die mooiste maniere. Los die wit paartjies uit, want daardie mense kan dalk beter vir hulle sorg. Vriendin van 'n wit paartjie.

Lesers moet asseblief daarop let dat die SMS-kommentaarlyn slegs bedoel is vir algemene menings en nie gebruik kan word om produkte te adverteer of ondernemings, skole of politieke partye te bemark nie. (Redakteur).

Wil jy jou mening gee oor 'n berig in vandag se koerant of oor enige ander saak wat jou na aan die hart lê? SMS jou mening na 41913 en vertel ons hoe jy voel. SMS'e kos R1-50. Menings word sover as moontlik onveranderd gepubliseer mits dit nie lasterlik is of uitermate kru taal bevat nie. Jy kan jou naam, jou voorletters of 'n skuilnaam byvoeg.

* Kan die munisipaliteit nie asb. die straatligte in Olifantskopstraat, Vaalpark kom regmaak nie? Van hulle werk 'n jaar al nie meer nie. Dis al 'n paar maal gerapporteer. Inwoner.

* Ons word al sedert Februarie belowe dat bome verwyder sal word. Driekie was 5 Julie hier om te kyk hoe kraak die beton en het gesê binne die volgende paar dae sal die bome uit wees - ons trek al by 5 Augustus. Hoe nou? De Foestraat SW1. Inwoner.

* Ek kan dalk tot hulp wees vir beswaarde inwoner van Genl. Froneman straat en Anoniem van Drie Riviere oor hul probleme met die munisipaliteit. Raadslid Nic van Rensburg, 083 731 1126, This e-mail address is being protected from spambots. You need JavaScript enabled to view it .

* Krion-saak: Skelm of nie, 'n mens verdien net soveel vergifnis as wat mens gee. Waar is jul geloof mense? Vergewe Marietjie en red wat te redde is. Ons bid vir julle. Akker.

* Ek wil net dankie aan die toutrok sê wat ons gehelp het by Bonanne-robot en dat hul die ambulaans so vinnag geskakel het. Dankie! P.Hutting.

* Straatligte in Beethovenstraat, Vanderbijlpark, op pad na Golden Goose werk al vir die afgelope 8 jaar nie. Rapporteer help nie. Kan ons raadslid miskien help? Beswaarde inwoner.

* Ek wonder elke keer as ek die biblioteek in Vdbpark besoek of iemand sal kan sê wanneer laas nuwe boeke vir die volwasse afdeling aangekoop is? Daar is nooit 'n nuwe boek wat jy vra beskikbaar nie! Leser.

* Briesend, jy's doodreg. Metsimaholo Munisipaliteit skakel ons geisers af. Hier was 'n man van die munisipaliteit wat 'n toestel kom insit het, wat die geiser reguleer (hy sê my eers toe hy ry). Elke dag van die week word myne afgesit in die oggend 06:00 tot 11:00 en in die aand van 19:00 tot 22:00. Almal s'n word nie afgesit nie - net sekere mense s'n. Dis diskriminasie! EB.

* Verpligte netbal: Hoor hier mevrou, ek het ook 'n dogter in graad 8 wat ook nie kan netbal speel nie en ook nie 'n sportkind is nie, maar sy het darem deelgeneem en sy het nie opgebring van die kamma-stres nie. Ook 'n ma.

* Julle almal het iets te sê oor Marietjie. Dié wat daar belê het, lekker, jy wou mos. Julle het ook gesondig want 'greed' is 'n groot sonde. Gaan vee voor julle eie deure. Mnr. G.

* Wil net dankie sê dat Gerda en Yvonne gehelp het om die meterkas gesluit te kry, ek wag net nog steeds dat die boom wat my skadunet gaan beskadig, gesny word VOOR dit gebeur. Steph. N.J. vd Merwestraat.

* Vir die wat nie weet nie, pasop vir vervalste R100-note. Ek het dit by De Deur-vlooimark gekry. J.N.B.

* Watermeter-deksels is almal gesteel in Pres. Hoffmanstraat en in Genl. Fronemanstraat. Wat moet ons daaraan doen? Leser.

* Kyk ek't nou genoeg gehad van al hierdie menings oor Mr Gay. Los ons uit, haal die splinter uit jou eie oog uit. Los ons net uit. Of kom vat my persoonlik aan. Chris.

* Krion Marietjie draai julle weer 'n rat voor die oë. As haar straf uitgedien is, gaan sy lekker leef met ons geld wat sy nou wegsteek. Ek glo nie 'n woord van haar kastige swaarkry nie want die oomblik wat sy haar mond oopmaak, lieg sy. Anoniem.

* Asb, die vrou met die goue breakdown wat met haar kind jaag is onverantwoordelik en sy moet asb. van ongelukke af weggewys word want wat van haar kind? Netnou is daar nog 'n ongeluk. Bekommerd.

* Verpligte netbal: Kinders wat vals sing, word nie gedwing om voor almal te sing en gekke van hulself te maak nie. Hoekom wil onnies dan gekke maak van ons wat nie sporttalent het nie? Net dat ons lekker gespot kan word? Onnies, julle is WREED! Ook sporttalentloos.

* Die straatligte is dood in Umtatastraat. Leser.

* Ek is 'n SE2-inwoner in Danie Theronstraat, bly nou 3 jaar daar. 'n Mens kan nie eers jou kinders na die Trim-parkie toe vat om te gaan speel nie. Vroeër jare kon jy daar gaan piekniek hou. Nou is daar nie eers meer 'n fonteinjie nie, dis net papiere waar jy kyk. Die dealers deal sommer onder jou neus, dis nie meer veilig om soontoe te gaan nie. Ek hoop dat daar iets omtrent dit gedoen kan word. Inwoner.

* Arme Marietjie? Nee, glad nie. Ek was self 'n slagofffer. Wil net sê sy't niemand gedwing of gesmeek om geld te "belê" by haar nie. Gevang.

* Ek dink ook nie dis reg dat die dame met die breakdown met haar kind ry nie maar dis dalk haar enigste inkomste en hoe sy vir haar kind sorg. Anelize, Vdbp.

* Verpligte netbal op skool: As meer ma's hulle kinders met 'n strenger hand grootmaak, sal die arme bloedjies nie so swaar kry wanneer daar op skool 'n ligte eis aan hulle gestel word nie. Onderwyseres.

* Die meeste siektes het oefening nodig. Deur te oefen leer jou kind van verantwoordelikheid teenoor homself en ander. As vandag se jeug meer na hul gesondheid kyk, sal die wêreld ook verbeter om in te woon. Onthou, alles begin by die huis. NB. Jy is jou eie advertensie van oefeninge tot hoe jy lyk. Jou gewete.

* Vir die bekommerdes: EK is die ma met die (goue) breakdown en ek jaag nie met my kind nie. Ek het haar ontsettend lief en ek weet hoe maklik 'n ongeluk kan gebeur, maar ongelukkig is dit my enigste ryding. So, voor julle my wil kruisig, kry jul feite agtermekaar en kyk na julself.

* Wil net BAIE DANKIE sê vir my straatligte in Dickensstraat wat nou werk. En dan ook sê die poskantoor se erf lyk pragtige skoon! Hoop die Hof kan ook daarna kyk. Tanya van Vdbp.

* Verpligte netbal: Dit is nonsens dat kinders wat nie aan sport wil deelneem nie, deur skole gedwing word om dit te doen. Ek dink baie onderwysers hanteer dit in elk geval verkeerd want as dit as "pret" en nie as "plig" aangebied word nie, sal baie meer kinders graag wil deelneem. Kinders hou van spel. Die fout lê by arrogante onnies wat leerlinge ten alle koste wil beheer. 'n Kenner.

* Ja, ek kry ook die Krion-"slagoffers" baie jammer. Hulle moet egter onthou dat hulle VRYWILLIG hul geld in die skema gestort het. Daardie tyd het almal gedink Marietjie was 'n engel en het geld uitgegee asof dit nie einde het nie maar toe die skema val, word Marietjie gekruisig! Die spreekwoord sê: "Die deler is net so goed soos die steler" en leer die Bybel nie vir ons "volgens die maat waarmee jy oordeel sal jy geoordeel word nie"? Vir wie is jy nou eintlik kwaad? M. van Vdbp.

* Hoe lank gaan HTS Vereeniging nog sê vuilspel in rugby word nie aangemoedig nie, maar naweek na naweek word HTS Vging se kinders toegelaat om te byt, te slaan en te intimideer op die rugbyveld? Onlangs weer in hul wedstryd teen Klerksdorp. Nee wat, Hannes "Tango", snaaks dis net waar HTS Vging betrokke is waar vuilspel is. Kom ons hoor hoe word die naweek se gebeure weer onder die mat ingevee. Ontstoke rugbyliefhebber.

* My mening oor klein jakkalsies wat verhoudings verniel: Mans wat hul klere uittrek en net langs die bed laat lê. En mans wat jou afpers, "hy is kwaad omdat jul bietjie woorde gehad het, jul is uitgenooi vir ete, dan sê hy, bel vir Sannie en sê ons kom nie meer nie. Of hy belowe jou iets, jul het woorde en hy sê "jy kry dit nie meer nie". Anoniem.

* Ek is nou gatvol vir ons munisipaliteit. Ek's ALLEEN, ek het nie 'n verwarmer OF elektriese kombers nie, dis WINTER, so, ek spuit nie nat nie. My stoof & geyser is byna permanent af, my hele huis- en buite ligte is ENERGY SAVERS, maar my Water- en ligterekening is R1800. Nou vra ek net, wat de d*nn*r moet ek nóg doen om te bespaar? Tollie.

* Ons voorouers het uit volle bors volks-eie liedjies gesing wat in vandag se terme beskou sal word as: "Aanhitsing van geweld teen vroue en kinders".
1) 'n Man word gesuip en rand sy vrou dan aan. (Wat maak oom Kallie daar? Hy steek 'n dop, en slaan sy vrou met 'n handsambok).
2) 'n Kindjie word vermoor en die lykie weggegooi. (Siembamba, Mamma se kindjie, draai sy nek om, gooi hom in die sloot, trap op sy kop dan is hy dood). Wreed nè? Ou Joe.